General Maxamed Nuur Galaal oo ka mid ahaa saraakiishii
hore ee ciidamada xoogga dalka Soomaaliya, balse xiliyadii
ugu dambeeyay ahaa shaqsi caadi ah oo aan ka mid ahayn
dhinacyada isku haya dalka Soomaaliya ayaa waxa uu ka
warbixiyay ujeedada ka dambeysa socdaal uu dhowaan ku
tagay Gobollada Dhexe ee dalka Soomaaliya gaar ahaan gobolka
Galgaduud.
Gen. Galaal wuxuu sheegay in ujeedada ka dambeysa socdaalkiisa
gobollada dhexe ay tahay sidii uu khibrad dhinaca militariga
ah u siin lahaa xoogagga culimaa’udiinka Ahlu Sunna
Wal-jameeca ee dagaallada kula jira xoogagga Al-shabaab
iyo Xisbul Islaam, wuxuuna intaasi ku daray in sidoo kale
uu booqasho ugu tagay halkasi si uu u arko qaar ka mid
ah ehelladiisa oo uusan muddo arkin.
Gen. Maxamed Nuur Galaal wuxuu sheegay in uu dhowaan kulamo
la yeelan doono hoggaanka culimaa’udiinka Ahlu Sunna
Wal-jameeca, isla markaana uu wixii karaankiisa ah ama
khibrad uu u leeyahay dhinaca ciidamada uu ku biirin doono
culimaa’udiinka, si ay ugu guuleystaan dagaalada
ay kula jiraan xoogagga ka soo horjeeda.
Wuxuu beeniyay jeneraalka inuu ka mid yahay siyaasiyiinta
Soomaalida ee jagada u soo raadsaday maamulka ay maalmihii
ugu dambeeyay ku mashquulsanaayeenc ulimaa’udiinka
Ahlu Sunna Wal-jameeca, wuxuuna dhinaca kale beeniyay
inay jiraan dadaalo uu ku doonayo inuu isugu xiro dawladda
Itoobiya iyo culimaa’udiinka Ahlu Sunna Wal-jameeca.
E-mail:cowslafil@cowslafil.com
|
